Aginte- eta kontrol-sistemak gero eta sofistikatuagoak eta konplexuagoak dira. Hori dela-eta, makineria-fabrikatzaileentzat gero eta zailagoa da ekipamendu tekniko kualifikatua etengabe eguneratzea, automatikaren azken aurrerapenei jarraiki; hala denean ere, errentagarritasuna zalantzan jartzeko modukoa da.

Gure bezeroetako askok –makina-fabrikatzaileak, ingeniaritzak edo azken erabiltzaileak– uste osoa jartzen dute Larraiozen proiektuan; izan ere, gure enpresak aplikazioaren fase guzti-guztiak hartzen ditu, hasierako aholkularitzatik salmenta ondorengo zerbitzu teknikoraino.

Larraiozen ondo baino hobeto ezagutzen dugu merkatua eta haren produktuak eta, horri esker, kasu bakoitzean egokienak izan daitezkeen soluzioak aplikatzen ditugu. Halaber, beharrezkoa denean, sistema propioak ere garatzeko gai gara: hardware/software proiektua, haren industrializazioa, logistika eta abar.

Horretarako, Larraioz teknologiarik berrienez baliatzen da:

• Sistema txertatuak.
• Garapenak: FPGA, CPLD, DSP, X51core, PSoc, ARM9, 920, 926Ej, IA-32, ATOM….
• Plataformak: Linux Rt, QT embedded, Windows XPe…
• Komunikazioak: CAN, Lin, FlexRay, RT sareak….
• HW garapenak, 6 eta 8 geruzetako mailarainoko PCBekin.
• HMI gailuaren integrazioa, pultsateria kapazitiboaren bidez